Smá pælingar svona í lokin á tímabilinu.
Hvar stöndum við og hvað möguleika eigum við!!!
MX 85
Þennann flokk eigum við, bara spurning um hvort það verði Gummi Kort #99 Eða Friðgeir #16 sem hreppa titilinn hér.
MX 125
Hér ætlar hann Bjarki # 670 að bretta upp ermar og klára þetta með stæl, hann þarf reyndar að standa sig vel og klára í eftsu sætunum til að ná 3. sæti. í dag er hann í 4. sæti til Íslandsmeistara, einungis örfáum stigum frá næsta manni. ég veit að drengurinn getur þetta, og í þetta sinn ætlar hann sér ekki að taka jarðvegsýni af brautinni.
MX 85 kvenna
Í þessum flokki eigum við ekki möguleika á titli, stelpurnar okkar hafa verið óheppnar í sumra þar sem þær byrjuðu báðar á því í Sólbrekkukeppninni að slasa sig og hafa verið að glíma við meiðslin eftir það í allt sumar.
MX Kvenna.
Ekki er titil von hér. En samt hafa skvísurnar okkar verið að standa sig ljómandi vel í sumar og verið að bæta sig í hverju móti. Karen #202 hefur ekki verið keppnishæf frá því í Júní vegna meiðsla á öxl. Reyndar voru þau meiðsli það alvarleg að hún var í aðgerð í síðustu viku og verður frá fram á vetur.
MX 1.
Það verður að segjast eins og er að mér er gráti næst að skrifa um þennan flokk. Gylfi #9 meiddist í Sólbrekku keppninni og hefur verið frá síðan, Mikki meiddist í Sauðárkróks keppninni og keppir ekki í Bolaöldu. ljósi punkturin hér hefur verið hann Atli #669. Drengurinn hefur staðið sig frábærlega í sumar og verið að berjast um efstu sætin. En þó eigum við ekki titilvon hér.
MX2
Hér hefur okkur gengið upp og niður. Eftir Sauðárkróks keppnina vorum við með Hjalla #139 öruggann í 2. sæti og Binna #434 2. stigum frá 3. sæti. Allt galopið í þessum flokki en þó ekki von á 1. sæti þar sem Gulli #111 er með það nokkuð öruggt. Svo er það áfallið, Hjalli #139 getur ekki keppt vegna meiðsla sem hann hlaut í slæmri byltu á Sauðárkróki, þannig að nú Verður Binni #434 virkilega að, bíta í Honda-Fly-Bernhard TUGGUNA, klára mótið með stæl og tryggja okkur 2. sætið.
Þó að við höfum ekki náð því takmarki að vera með okkar keppnisfólk á palli í öllum keppnum þá hefur það sem búið er verið frábært, virkilega góður andi í hópnum og allir verið mjög samhentir í öllu sem gert hefur verið, einnig hefur það sýnt sig að undirbúningur okkar í vetur, þ.e fimleikaæfingarnar, hafa hjálpað okkur mjög mikið.
Við höfum verið töluvert óheppin með meiðsli í hópnum, alvarlegustu meiðslin það sem af er sumri hlaut hann Eyþór #899 þegar hann lærbrotnaði í keppninni á Akureyri. Svo eru þeir sem hafa dottið út í keppnum vegna meiðsla:Binni #434 meiddist fyrir Álfsneskeppnina og gat ekki lokið keppni þess vegna. Gísli #377 datt út í Álfsensi eftir slæma byltu. Hjalli #139 datt út á Sauðárkróki eftir slæma byltu. Reynir #3 datt út vegna handarbrots fyrir 1. keppni en er að koma inn aftur. Skúli #680 hefur verið frá í allt sumar vegna brjóskloss í baki. Karen #202 er frá vegna axlarmeiðsla. Bergrún #719 hefur verið mikið frá vegna meiðsla sem hlaut í slæmri byltu í Sólbrekku keppninni. Gumma Kort #99 hefur tekist að brjóta sig á ýmsum stöðum við að gera allt annað en að hjóla ( förum ekki nánar út í það hér ). Gylfi #9 datt út í Sólbrekku keppninni og hefur verið frá síðan. Mikki #23 handarbrotnaði í Sauðárkróks keppninni og verður ekki með í Bolaöldu. Jón Bjarni #365 datt út í Álfsnes keppninni eftir mikið samstuð í fyrstu beygju eftir startið. Una María datt út í Sólbrekku keppninni eftir slæma byltu. Og svo í restina þá lagði ælupest hann Hákon #212 fyrir Sauðárkróks keppnina.
Þetta er rosaleg upptalning og við hljótum að vera búin með meiðsla og veikinda kvótann okkar fyrir næstu þrjú keppnistímabil ( Vonandi ).
Svo er bara að koma með Hondagott bros á vör í Bolaöldu keppnina, amk, að brosa í gegnum tárin því að þrátt fyrir allt þá er þetta sport svo svakalega skemmtilegt.
Fyrir hönda THR
Óli Gísla
Nýjustu athugasemdirnar