Bara að minna ykkur á æfinguna í kvöld.
Mæting kl 20:25. Fyrir útihlauparana er mæting kl 20:00 Hlaupa stóra hringinn þ.e frá Ármanns heimilinu út göngustíginn meðfram Skautahöllinni og Húsdýragarðinum þaðan uppá Suðurlandsbraut. Þetta er ca  3,5 -4 km.
Þetta er síðasta æfing fyrir mánaðarmótin, þannig að nú er um að gera að taka á því.
Eyþór og Jón Bjarni mæta alveg sjókaldir og til í allt. Gæti janfvel farið svo að Jón Bjarni tali lítið og hlusti allann tímann á þjálfarann. HVER VEIT!!!!!!!!!
 

Heyrst hefur:
Að Einar Bj er að fá afrit af afsökunarbók Hlyns, nýjasta nýtt hjá honum er að “læknirinn segir að ég sé að verða gamall”

Að Óli G smitaðist af Einari Bj, reyndar aftur í tímann, og var aumingi með hor heima hjá sér sl. þriðjudag.

Að Binni sjóari verður kannski laus við sjóriðuna n.k þriðjudag og mætir jafnvel á æfingu þá.  En heyrst hefur að trampolinið verði lokað J

Að Reynir J er farinn að skokka með, við verðum að vefja honum inní bómul til að hann slasist ekki meira.

Að Hlynur er að klára 2. rit afsökunarbókarinnar. Hann verður með sérstaka kynningu á þessu vandaða riti í Vatnagörðum um helgina, gæti verið ef vel liggur á honum að hann gefi eiginhandaráritanir.

Að Hjalli sé búinn að fara til næringarráðgjafa og komi rétt étinn á æfingu framvegis.
 

Að nýju meðlimir í vetraræfingum THR, Vésteinn, Hrafn, Jökull, Benni og Eiríkur falli vel í hópinn, en séu samt ekki farnir að rífa kjaft ennþá.

Að Nikki family sé himinlifandi með æfingarnar, enda sé kallinn orðinn mjög virkur í heimilisstörfum þar sem þrekið sé orðið svo frábært.
 

Þetta eru algjörlega óstaðfestar fréttir og gæti allt verið hið mesta bull.
Segjum þetta næginlegt í bili af þessu bulli.
 
Sjáumst kát í kvöld.
Óli Gísla
Team Honda Racing

Nýjasta nýtt hjá Team Honda Racing.

Það á að ganga alla leið hjá THR í því að verða keppnisklárir fyrir n.k sumar. Og ekkert er til sparað svo að það verði raunin.

Það eru sko ekki aumingjar í liðinu okkar ooooooooooooonei. Viðbótin við vetraræfingar THR er SJÓSUND á Miðvikudögum. Þetta er að sjálfsögðu gert til þess að liðsmenn verði ekki vælandi þó að rigni smá eða blási

Að sjálfsögðu völdum við tvo úr liðinu sem hafa hvað mest af hitagjafa utan á sér.

Veit ekki alveg hvort að þeir voru sjálboðaliðar, en í sjóinn voru þeir sendir.

Fórnarlömbin í þessa ferð voru Eyþór Reynis og Jón Bjarni Einars.

Fréttaritari THR hefur eftir þeim köppum að þetta sé ekkert mál og mjög hressandi, og ætla þeir sér í sjóinn í hvað veðri sem er. Nokkuð er víst að þeir kappar mæta helillir með engann kuldahroll í sér á æfingu í kvöld. Þess má geta, svona í leiðinni að hitastig sjávar var helv… nálægt 0. Og lofthitinn í því sama.

Stefnt er á næstu sjóæfingu THR næstkomandi Miðvikudag. Þeir sem teljast til hraustmenna hafi samband við Einar Bjarna.

Fréttarritari THR er farinn að finna til flensumerkja og er nokkuð öruggur um að flensan verði í hámarki n.k Miðvikudag og geti þar af leiðandi ekki tekið þátt í hressandi sjósundi.

Heyrst hefur að ennþá meiri hetjur hafi staðið á bakkanum og hvatt piltana áfram, og hverjir voru það, jú að sjálfsögðu feðurnir, Einar Bjarna og Reynir Jóns. Talið er að þeir muni ætla sér í sjóinn við gott tækifæri.

Reyndar telur fréttaritari THR að það verði ekki gert nema á sólarströnd, en það er allt annað mál og skiptir minna máli, enda eru þeir kappar háaldraðir, tjónaðir í rusl, beyglaðir og brotnir á ýmsum stöðum.