Eigum til eitthvað af flottum mx barnagöllum frá Fly Racing í nokkrum litum og eitthvað er til af barnahjálmum og skóm líka.

Ýmsar stærðir af göllum til og alveg niður í stærð 22 fyrir þau allra yngstu.

Nánari upplýsingar hjá Bernhard Vatnagörðum s. 520-1128 / Hlynur

Og ekki veitir af þar sem tuggan hjá mér fékk aðeins að finna fyrir því um daginn þegar ég kynntist móður jörð of náið.

Það þarf að skipta um stýrið og festingar, að sjálfsögðu gripin líka. Framnúmeraplötuna og lagfæra subfreimið ásamt ýmsum öðrum smáaðgerðum.
Eitt er samt alveg ótrúlegt og hef ég skrifað um það hér áður, að sjálfsögðu beyglaðist stýrið hægra megin og bætist þar með í safn okkar feðga þar sem fyrir eru allt of mörg stýri sem eru beygluð og bogin hægra megin. Það mætti halda að við feðgar værum svona rosalega hægrisinnaðir. Það er samt eitthvað sem ég hef ekki vitað um!!!! Er næstum því algerlega ópólitískur.
Ekki þurfti ég að sækja varahlutina langt því að ég fékk þetta líka flotta FLY fatbarstýri og stýrisklemmur í Bernhard. Gripin keypti ég í Púkanum þar sem að ég fékk ekki Sunline gripin (Hagkaup-Garðabæ) sem ég nota vanalega. Brakketið fyrir frambremsubarkann hafði brotnað og að sjálfsögðu var það til í umboðinu sem og númeraplatan. Hlífin yfir besínbarkanum rifnaði líka og verð ég sennilega að fá nýjann barka til að endurbæta í upprunalegt horf. Ég á samt gamlann barka sem er með hlífina er í lagi, ég ætla mér að gera test á því hvort að ég geti fært hlífina á milli, það ætti að spara mér nokkrar krónur ef það tekst. Ég kannaði verðin á barkanum bæði í umboðinu og hjá JHM og eru verðin sambærileg, að sjálfsögðu versla ég þá frekar original hlutinn í umboðinu.
Subfreimið tóku strákarnir á Bifreiðaverstæði Reykjavíkur og réttu fyrir mig, það kostaði mig ca 12 þús en það er í góðu lagi þar sem nýtt kostar ca 7-8 x það . Á reyndar eftir að skoða viðgerðina til að sjá hvort að þetta dugi til.
Þar sem ég er ennþá bara nothæfur á “einari” ganga hlutirnir ekkert rosalega hratt fyrir sig hjá mér. En þó er ég búinn að skipta út stýrinu, klemmunum + gripunum, skipta um brakketið fyrir frambremsubarkann og framnúmeraplötuna.

Einhvernvegin er það þannig að er fréttist af “man down in the groop” þá er strax farið að ræna ( fá lánað ) úr hjólinu. Nú vantar kúpplingskörfuna og afturgjörðina í hjólið, en það endurheimtist vonandi núna um helgina. Maður verður að fórna sér fyrir félagana í liðinu.
OG SVO þurfti ég að endurnýja hjálminn og gallann þar sem dótið fór í rusl og ræmur við krassið. Hjálmurinn brotnaði inn í fiberið og er þar af leiðandi ekki öruggur lengur, enda dettur mérekki til hugar að spara við mig í sambandi við öryggið,það gæti verið dýr sparnaður. Þar sem ég er nú HONDA FLY kallinn varð ég að sjálfsögu að fá mér aftur  sambærilegann útbúnað ef ekki flottari. Ég skellti mér niður í Bernhard í morgun og græjaði mig upp með glæsilegum FLY hjálmi og FLY galla. Svei mér þá ef ég verð bara ekki ennþá flottari í þessum galla en þeim sem fór í ruslið.

Geðveikt flottur nýji FLY hjálmurinn.

Nýja flotta FLY treyjan.

Nýju flottu FLY buxurnar.

Hér sést hjólið eftir “ránið úr hjólinu. Það liggur þarna eins og sært dýr.

En ég bjargaði því þó uppá búkkann aftur og tók til við endurnýjun. Nú er feitastýrið komið á og feitastýrispúðinn og þetta lúkkar bara ferlega vel. Á samt eftir að stilla stýrið og gripin af, það verður að bíða betri tíma þar sem ég get ekki teygt fram báðar hendur til að stilla græjurnar af.

Hér sést nýja númeraplatan og festingin fyrir frambremsubarkann. Flotti FLY púðinn gæjist þarna á milli. Það er að komast svona gott look á hjólið aftur. Nú er það ekki lengur “tjónahaugur” heldur bara að verða aftur HONDAGOTT mótorkrosshjól.

Hér sést afturendinn eftir réttinguna hjá Bifreiðaverkstæði Reykjavíkur, finnst reyndar eins og það sé einhver smá snúningur ennþá á brettinu en það getur legið í plastinu. Það verður ransakað betur þegar “einar” verður að tveimur.

Hér sést afturendinn fyrir réttingu og vísar hann út og suður. En þó aðalega til vinstri og niður.

Nú bíð ég spenntur eftir því að geta hjólað aftur en það eru sennilega einhverjar vikur í það þar sem ég urlaðist á hausinn s.l laugardag og að sjálfsögðu lenti ég á þeirri öxl sem mátti alls ekki við því. Það seinkar eitthvað endurkomudrullumallinu hjá mér .

HjÓli (tjóni ) Gísla

Honda Racing

Það er á tæru!!!!!!!!!!!!!  Við erum best…..      

En þar fyrir utan, gærdagurinn var einstaklega skemmtilegur fyrir okkar hönd. Eyþór gerði það sem hann var búinn að segja að hann gæti þ.e að halda Aroni #66 fyrir aftan sig. Við í Hondagóðaliðinu vorum hreint að rifna úr spenningi á kantinum og þar á eftir rifnuðum við úr stolti af drengnum. Ekki var síður spenna í kringum alla hina keppendur okkar, Gummi Kort fékk væna samkeppni en kláraði sitt með stæl. Unglingaflokkurinn er okkar og ekkert röfl með það, aðal spenna þar var á milli okkar manna, það var frábært að sjá okkar ökumenn kljást og gera það með virðingu í garð hvors annars án þess að gefa tommu eftir. Eins og sést hér fyrir neðan þá átti Eyþór daginn í MX2 en Gísli var líka að standa sig gríðarlega vel og átti góða möguleika á 3. sætinu en lenti í slæmri byltu í síðasta mótói sem eyðilagði þá möguleika. Stóru strákarnir okkar stóðu sig með sóma en þó hefði Hjalli átt að standa á verðlaunapalli ef óhappadísirnar hefðu ekki verið með honum í för, hann datt tvisvar í 1. mótói eftir að hafa leitt þar í góðann tíma, hann missti út frambremsuna í 2. motoi en náði þó loksins að sýna hvað í honum bjó í 3. mótói. Atli keyrði af öryggi allan tímann og stóð sig sem hetja.

Nú er MX 09 tímabilinu lokið og vil ég þakka öllum sem komu að okkar hópi fyrir frábært samstarf í sumar. Allir okkar keppendur lögðu blóð svita og tár undir til að ná árangri, allir foreldrar og aðstoðarmenn gerðu það sama. Bernhard - Honda þökkum við fyrir stuðninginn og samstarfið. Okkar stuðningsaðilum þökkum við kærlega fyrir allt, þar eru fremstir meðal jafningja: Motul - Hagkaup Garðabæ, Ölgerðin, Dunlop ásamt fleiri aðilum sem styrktu okkar ökumenn til keppni. Ykkar stuðningur hefur gert okkur keppnissumarið frábært.

Árangur okkar manna: 

85cc flokkur

1. #99 Guðmundur Kort  Íslandsmeistari    25    25

2. #102 Guðbjartur Magnússon                    20    22
4. #671 Einar Sigurðsson                             15    16